【育兒】發牙痕，食咩好？
孖B八個半月，妹妹出了兩顆牙，二哥未出牙仔，但兩個都發牙痕，但凡在手中的都會放入口咬咬，又口水長流。
見好多朋友媽咪都會比較容易緊張，一見BB放物件又口就立即喝停："NO!"。BB未知發生什麼事，只見到媽媽一副驚嚇樣，最常聽到是個"NO"字，久而久之會對這個"NO"字免疫，反正媽媽什麼都是NO NO NO。
BB放物件入口，除了因為發牙痕，其實亦正處於探知期階段，透過不同觸覺去認知新事物。
如果唔想BB亂放物件入口，可以自製健康小食。不用想得太複雜，簡單灼菜心 (要粗莖的，不要菜心苗)、迷你甘荀 (一袋很多條，超市有)、玉米筍 (即小粟米)，都是健康又方便的止牙痕小食。如果外出唔方便，亦可用米餅、乾果條等。待出多幾顆牙，就可以自己吃一截截的粟米了。
天然食物有味又有營養，千萬不要貪方便，買蛋糕糖果等來氹BB，健康的飲食習慣一定要從小培養啊。
