【嬰兒食譜】有機紫椰菜粥仔

允允B晚餐時間又到啦！見到呢個咁浪漫的顏色有無吸引到你呢？淡淡的粉紫色真係好靚好靚啊！連我見到都覺得好想食，哈哈！

為了減輕媽媽負擔，以下收錄了：100款食譜—媽媽入廚秘笈　主食、湯品、茶點，而且會不斷更新！讓媽媽們儲藏好這份「入廚秘笈」，可以隨時隨地「發功」，想知更多的健康食譜資訊，請按  #幼兒食譜

今日煲咗個紫椰菜、薯仔、紅蘿蔔、粟米、西施骨湯，再用湯底來煲允允的粥仔，粥仔吸收曬湯的精華，不單止顏色靚，而且紫椰菜營養價值比起一般椰菜高很多，仲好好味添！難怪允允食完一碗又一碗！

湯底材料(3人份)：

紫椰菜……半個
薯仔……兩個
紅蘿蔔……一條
粟米……一條
西施骨……30元
無花果/蜜棗……兩粒

細火煲2至3小時便可，但紫椰菜不需要煲太耐，建議最後30分鐘才放入去煲，湯頭清甜好飲，煲好的湯一部分用來給BB煲粥仔，剩下來的湯就大人飲。