(影片) 【爸爸育兒】換片換到嘔！？
不少媽媽經常投訴丈夫不幫忙育兒，澳洲有位爸爸就十分好，太太不在家時幫BB換尿片，仲拍埋片紀錄育兒時刻，不過，依條本身應該幾溫馨的影片，就因為爸爸超誇張的反應而變了搞笑片！
影片一開始，爸爸滿懷大志說：「好！我哋開始換片！」頭幾秒都十分正常，誰知一打開條片，爸爸望了一眼，然後……即時作嘔！
在換片的短短三分鐘裡，爸爸作嘔反胃了無數次，漲紅了臉，好像真的要吐出來般！見到他這樣，小編深信B女的便便真係好臭！不過，BB從頭到尾都好淡定，對爸爸連番作嘔毫無反應，繼續眼仔碌碌四圍望。
爸爸雖然頻頻作嘔，但都無臨陣逃脫，堅持幫BB抹乾淨屁股，再換上新尿片，真係要畀個叻佢！
換好尿片後，爸爸語重心長地對BB說：「試下喺媽咪返嚟前唔好整污糟條片呀！」這個時候，BB突然依依呀呀給予反應，難道是跟爸爸說：「當然唔得啦！」？
