BB出牙仔

80後hea爆廢青LU爸，婚後終日沉迷電玩。為了迎接新生命的來臨，開始寫下日記，待孩子長大後回顧。留給一份心意，而不是一份負擔。

牙仔您係邊度Y？記得Lu Lu初時出牙仔果陣，係牙肉度見到少少白色，第一隻牙就係不知不覺間爬了出來。

因為出牙，LuLu有時會四圍咬野，例如咬被、公仔、玩具、床欄杆、甚至Lu爸隻手指。有時縮唔切手比佢咬住真係痛到大叫，但之後佢卻用個天真可愛嘅笑容，再露出三兩隻牙仔，就算再痛都覺得窩心嘅。