【爸爸作畫】颱風下的假期？

前日打十號風球，好多人都唔駛返工，無端端多左日假期。以前Lu爸都會開心都飛起，可以訓晏d，又可以hea下，但宜家就要七點鐘起身湊仔!

真係要再唱一次：＂放假與我又何干⋯⋯我有說話未曾講⋯⋯＂
LuLu當然唔明乜嘢係颱風，但Lu爸更認為LuLu本身已經係個颱風！屋企d牆比佢畫花丶櫃比佢拆爛丶書又搣開幾截丶連Lu爸手機都被擲爆…佢所到之處無一幸免。試過百幾二百蚊買架玩具車比佢，拆盒唔到十五分鐘，整爛左仲要扔埋。
所以打風當日為免搞到屋企＂打仗＂，Lu爸帶LuLu去商場＂放電＂。等Lu媽可以享受一下假期⋯⋯