碧咸帶哈七食乳酪 心情大靚！
萬人迷碧咸同囡囡哈七的一舉一動備受關注，早前連哈七食奶嘴都被傳媒大做文章，令碧咸少有發火叫大家不要指指點點。前日，碧咸帶哈七去街食乳酪又被影到，看他笑到四萬咁口，心情應該好返哂！
哈七心情同樣超級好，拿著一大杯士多啤梨乳酪雪糕大啖大啖食，每一口都食得相當滋味！
跟在爸爸身後默默食！間乳酪店叫Pinkberry，暫時得美國有。
單是見到她的食相，已經想像到乳酪雪糕有多美味！為食妹哈七著住短背心露出小肚腩，十分可愛！
食完乳酪，哈七仲有得騎膊馬，坐在碧咸膊頭上「行」去停車場攞車。
其實哈七同碧咸出去食乳酪之前，朝早已經跟咗媽媽Victoria去美容院美甲，看來這天哈七過得好滿足啊！
