【夫妻感情】港爸酒後糊塗出軌 事後超後悔想挽救婚姻：能夠彌補做咩都可以！
俗語有云：「一次不忠，百次不用」，特別在婚姻關係中其中一方出軌，實在很難原諒對方。一位港爸近日在網上討論區發帖自首，分享自己因為酒精影響與女客人出軌，事後超後悔想求老婆原諒卻無從入手，於是發文求問網友意見。
一位港爸近日在網上討論區親子王國以「如何補救夫妻關係」為題發文，分享自己在一次出軌後十分後悔，希望求問網民意見如何挽救婚姻。港爸透露自己與老婆結婚多年，育有兩個10多歲的小朋友，自問平日有做好爸爸及老公的角色，他認為老婆照顧小朋友都很辛苦，因此平時出街或去旅行都會計劃好，盡量令對方無憂無慮，「每個月有俾家用，有照顧好小朋友，返工家務都做好，我大部份收入都俾哂佢」，但自從有小朋友之後就減少了溝通，「就算我同佢講有幾累同今日做咗啲乜，佢冇咩反應，之後我冇再講過」。
可惜在3個月之前，港爸跟認識了5-6年的女客人發生了關係，事後十分後悔，「我同咗個客發生關係，但已經完結了，現在很後悔」。他透露大約在5年前認識女客人，一開始只是工作關係「佢係一位事業型女性，年紀相若，小性感，正常男人都會望多兩眼，之前也有去它的家只是工作，並沒有其他」，但直到完成了項目，才開始吃第一次飯，期間發現對方跟自己很投契，加上酒精影響下便跟對方發生了關係，「可能大家話題很似，思想也很接近，和酒精影響，便有了第一次」，港爸指在完事後在回家路上已經很內疚，十分後悔做錯事，「係我衰，做咗啲唔應該做既事，人生便多了一個污點！唉....」
事主老婆知道他出軌後已搬走，現時只剩下兩個小朋友跟自己同住。港爸稱很想挽救婚姻，但又無從入手，於是想求問網友意見。
帖文引起熱議，有網民安慰港爸指他如果做好自己本份，仍然有望老婆原諒，「先做好自己嘅本分先，照顧好家庭，有家用就照什俾，佢知道你有悔意肯改過行為良好，可能仲有一絲希望」、「唔會鬧你, 你衰咸濕O者, 如果肯接受後果和責任, 還覺得你是個男人既......」。
亦有網民坦言覺得港爸的行為十分自私，「其實正常的一個人, 無論男女都有出軌的能力, 只是你是否給予這個機會, 當你給予了, 你就不是無辜, 酒精/氣氛只是垃圾的說話」、「可以接受任何後果，後果咪就係離婚，出軌嘅人就係成日帶住僥倖嘅心覺得唔會離婚，到被識破先黎話唔想離婚，好自私，你真心肯定唔會再傷老婆嘅心先好求原諒，無辜地被傷害真係好可憐，加油好好愛護老婆。」
此外，有網民建議港男尋求第三方協助，「建議你自己見左婚輔先， 諗清諗楚發生咩原因出軌， 點針對問題改善， 避免日後再出事， 要有一個完整計劃」，也有人指可跟老婆好好溝通，「唔好被情緒控制理性，好好了解左老婆意向先」。
