【夫妻關係】老婆出軌求原諒「我一定係愛老公」 網民：愛老公又出軌？

一段夫妻關係，無論是男方還是女方出軌，另一半心入面都會有刺，到底關係是否仍能回到當初？有女網民在親子王國討論區留言，坦言自己出軌並遭丈夫揭破，但自己仍然愛對方，希望可以重新出發。網民認為另一半出軌，實在難以一時三刻原諒對方，「將心比己，你會知點做。」

樓主指，出軌事件發生在半年前，丈夫近日發現她與情夫的情欲對話，樓主已向丈夫解釋，一早已與對方「斬纜」。丈夫雖然沒有要求離婚，但心情卻非常複雜，「佢話原諒唔到我，但唔捨得呢段感情，仲想有將來，但真係唔知點面對我。」樓主希望重新出發，問「除咗畀返啲安全感老公，仲可以做乜？」

有網民提醒樓主，以後要多點陪伴丈夫，慢慢建立兩人之間的互信，但往後日子可能需要多點耐性及忍耐。另外有網民認為樓主不能一時三刻要求對方原諒自己，要「將心比己」。有網民單刀直入問樓主「你愛老公定情人？」樓主答「一定係老公」，有網民隨即回應「愛老公都出軌，男人被帽，好少可以當無事，你放生佢好過。」

大家又有什麼建議給事主呢？一齊參與討論：https://bit.ly/3tteMa6