【夫妻關係】太太生育後性情大變 丈夫憂心：佢態度強硬堅持自己無問題⋯
生育前後，受到荷爾蒙影響，或會因而出現情緒問題。有港爸在討論區分享，提到覺得自從有小朋友後，太太的性恪大變，想法變得極端和負面，擔心她因情緒問題所導致，跟太太詳談事件時，太太卻態度好強硬地堅持自己無問題，更令他感到憂慮。不少網民建議他應該要跟太太多一點二人世界，平日亦要分擔照顧小朋友的壓力；但亦有人認為，是二人步伐不一致所造成。
港爸在親子王國討論區上發文，提到小朋友已3歲，太太由初時的抑鬱，到現時已康復不少，可是性格卻變得極端和負面，令他非常擔心。他又提到，平日家務和照照顧小朋友的工作已由他和婆婆分擔了六成，「老婆只需做四成，照道理應該唔會好大壓力⋯」他又擔心太太因產後抑鬱而造成長期問題，坦言曾跟太太商量，「但佢態度好強硬，堅持自己無問題。其實係咪陪佢睇下心理輔導會好啲？但又唔知點入手⋯」
港爸又舉出三個例子，反映太太「想法負面」，例如以往太太或會有興趣去新商場，但現時太太卻會反駁「仲買地？政府一句話收番你塊地就咩都無！」；家中買了新傢俬時，太太卻「見到就好嬲，話醜樣，點解要買」；面對丈夫掉未裝滿的垃圾時，會大罵「唔環保呀！破壞地球呀！知唔知啲膠袋幾千年都分解唔到呀？」
一齊討論? 自從有咗小朋友，老婆性恪完全變哂⋯
不少網民留言認為，其太太生活壓力大，丈夫卻未有理解到太太的辛勞，「應該係調轉要聽太太表達多啲、引導太太具體講出自己想點、只聆聽太太的牢騷唔使畀意見、表示體諒及明白太太的感受」、「就以上嘅例子，可以解讀成你老婆心態已經改變了，你要做的不是駁咀，而係順勢給她表達更多，從而幫佢一一解構。」
