【親子好去處】第六代山頂纜車X變裝《趣味時光留影館》 換維多利亞服飾穿越舊香港！
1月尾嘅時候，趁住年假就帶住兩位小姐四圍去玩~
我哋上網join咗個親子package，可以搭第六代山頂纜車，仲可以著埋維多利亞時期服飾喺《趣味時光留影館》入面嘅場景瘋狂影相。
最正係，可以cosplay!!
超正呀，其實一直都好想~不過又唔好意思喎 (哈)
套票仲包來回山頂纜車，其實山頂纜車轉咗第六代我哋都未坐過。
所以，而家全新第六代我哋都想去見識一下!
因為配備煥然一新，總站及升級設施!
入閘只要掃描QR code就可以直接快速入場，無需換票。
車廂都唔同咗，除咗有兩邊窗睇香港景色之外，車頂仲係半透明玻璃頂!!
透光嘅車廂，真係左右抬頭都有風景睇，影相都靚啲呀!!
上到山頂，去到《趣味時光留影館》仲可以揀一套維多利亞時期服飾，喺入面嘅場景瘋狂影相!!
換咗維多利亞時期服飾嘅和牛b兩姊妹同我都超級開心呀!!
直頭唔捨得除返落嚟呀!! (哈)
我自己都好鍾意呢個貴婦look呀喂(你哋唔好打我呀)~
《趣味時光留影館》除咗有好多少女、宮廷風嘅景之外，仲有好多地道香港懷舊場景。
例如舊式戲院、髮型屋、涼茶舖等。
懷舊老香港場景>>
今次難得上到嚟山頂，我哋就去埋凌霄閣摩天台428，睇香港夜景!!
