懷疑老爺與陪月有曖昧 港媽苦惱：應唔應該同奶奶講？

好多新手媽媽都會選擇請陪月照顧自己及BB，讓自己可以安心坐月，但挑選陪月員要慎重。有港媽在網上討論區發文，表示懷疑老爺與自己聘用的陪月員有曖昧，令她十分苦惱不知應否告知奶奶。

該名港媽在親子王國討論區以「62同陪月眉來眼去，係咪我多心？」為題發文，表示懷疑老爺與自己聘用的陪月員有曖昧。她指老爺奶奶現時隔日上她家中探望BB，但奶奶每次走開，老爺就會趁機和陪月聊天，「老爺一見奶奶去廁所或者行開傾緊電話嗰陣就同陪月雞啄唔斷。」

港媽坦言，該名陪月工作質素一般、不過不失，但她卻覺得除工作質素外，是否有道德倫理同樣重要，「大家嚟得我屋企應該檢點啲。」她表示，自己和奶奶關係一般，不知應否開聲，「雖然係奶奶個老公唔係我老公可能同陪月有嘢，我又同奶奶關係麻麻，但我應唔應該同奶奶講？」

《BB來了》劇照

帖文引起網民熱烈討論，不少人覺得港媽不應多事，「新生bb都係專心啲唔好咁多事」、「千其唔好多事，你話你覺得，人哋反咬你一口話，傾吓計都唔得呀，再者你99應該都好清楚你62係咩人，可能只係隻眼開隻眼閉」；亦有人覺得是港媽多心，「傾計＝有野？如果你睇錯又講咗出去就搵嚟搞」、「你62應該萬萬估唔到後生一輩讀咁多書，居然豬腳薑都唔識煲，要俾錢人賺，咁你62想監察所謂嘅陪月員有冇呃飯食係好正常。」