【親子好去處】免費遊戲室！黃大仙區再生能源主題兒童遊戲室
之前放假，我帶咗和牛B同妹妹去咗附近嘅免費兒童遊戲室玩。
其實以前都有介紹過康文署提供嘅免費兒童遊戲室，免費嚟講入面嘅玩樂設施都好齊全～而且每個兒童遊戲室，都有唔同主題，都各有特色！
今次嚟到黃大仙區呢個兒童遊戲室，主題為「再生能源」。
兒童遊戲室係位於蒲崗村道體育館入面。
玩樂設施，有動亦有靜，而且跑、跳空間亦都多。
由於妹妹係生於疫情期，所以相對較少去Playhouse玩樂。
上層嘅迷宮、障礙物，考反應。
遊戲室最放電設施，絕對係滑梯組呀~超級快呀！
設施下層，設有繩網爬梯。
也有障礙物通道
遊戲室入面，亦設有靜態遊戲板。
每塊板都有唔同知識，真心不錯!!
仲搵到個打卡位 (哈)
每節限25人，每節玩樂時間為45分鐘。
其實康文署喺市區及新界，均設兒童遊戲室。
**兒童遊戲室主要供4至9歲及身高不超過142厘米的兒童免費使用。
＊＊溫韾提示＊＊
疫情期間記得戴好口罩，勿用手觸摸眼、口及鼻。
記得除鞋及穿上襪子才可進場。
記得玩樂後，用消毒搓手液或洗水清潔雙手。
【蒲崗村道體育館 - 兒童遊戲室】
地址: 九龍黃大仙慈雲山蒲崗村道120號
