奶奶苛索無度老公卻配合 港媽無奈：每次儲完錢都無晒

不少上一輩的人都有養兒防老的概念，亦沒有足夠的儲蓄，當年紀漸長就希望子女可以供養自己，照顧日常所有需要，然而香港地生活艱難，衣食住行樣樣貴，有小朋友後家庭開支更是以倍數上升，或許無法全力支援父母。有港媽在網上發文，指奶奶苛索無度，不時要求額外的金錢，影響了他們對未來的計劃，但老公念在親情和奶奶以往的付出，於是答應奶奶所有要求，令她十分無奈。

該名港媽在親子王國討論區以「成日問攞錢」為題發文，指奶奶已屆7旬，育有兩子，其中老公是小兒子，兩兄弟都要租樓和供養小朋友，亦會每月給奶奶共1萬元的家用，而奶奶的物業已供斷，每月有家用和政府數千元的政府津貼，理應沒有經濟壓力。

不過，奶奶卻經常以不同的理由向他們討錢，例如要求津貼旅行費用、津貼學習粵劇的費用、借錢等，「有試過借2萬還4千，話手緊，爭住先，最後不了了之，仲唔係今時今日嘅事，係自從兩個仔出身出嚟做嘢後，除咗家用，已經好多額外藉口要錢」。

《BB來了》劇照

對於奶奶的要求，他們亦不可以拒絕，原因是要報答對方的養育之恩，「兩個仔細個時，阿媽捱窮做工，含辛茹苦，有病時更眠乾睡濕照顧，話一定要好好報答」，她不滿奶奶時常情緒勒索，但老公即使有所不滿亦會盡量滿足奶奶的要求，「老公有時都覺得有少少過分，甚至後來加人工都唔會講，何況呢兩年跟本要減人工，咁父母又真係養大佢地，會盡力滿足佢，最多我地儲少啲，我真係no say」。

港媽坦言，平日努力慳錢，為的只是一個置業的夢想和給小朋友更好的環境，但就因為要報答奶奶的養育之恩，令戶口存款愈儲愈少，「再儲過又少返，無限loop，唔順氣，想呻下…」

帖文引起熱議，不少人批評港媽的奶奶為人自私，「通常有孫都會叫仔女慳啲駛留俾啲孫好過，長生津加成皮嘢家用都仲要扭額外利是，對比之下都係自私」，但亦有人認為，奶奶去世後都會把資產留給兒子，現在只是預先套現，「當佢將層樓套住現先，佢都算洗緊自己既資產。每月果（嗰）一萬幾千，唔會洗得晒層樓既錢。」