【理財個案2022】欠債個案翻身法
係咁嘅！我之前狂買野，差落銀行好多卡數，但兒家已經洗心革面唔再買，慢慢還緊，想問下我有冇方法可以係還卡數時間入面仲可以儲到錢，同埋有咩方法可以係還清卡數之後賺到第一桶金。
我扣晒所有的開支，每個月還晒卡數之後都冇錢淨，一年內都要還，好苦惱。
個案重點：
‧欠下不少卡數
‧一年內都要還
‧每月無錢剩
重點目標：
‧還錢同時能累積財富
‧還清卡數之後賺到第一桶金
更多文章：【理財個案2022】投資回報率計應否讀書
龔成老師分析：
以你的情況，基本上可以有三個方法：
1. 因為一年時間不算太久，不如把握這段時間先提升理財投資知識，等遲些有錢剩可以開始儲錢時，再配合投資技巧，進行合理的財富增值，效果會更好。
2. 可以考慮做兼職，增加收入就可以有錢剩。
3. 無本創業，細心想想下自己有甚麼興趣、強項，加以利用去賺錢，從小生意開始，更有可能發展成事業。
更多文章：【理財個案2022】網上創業求突破
再問：
多謝你回答。其實我都有做下兼職，亦算係無本創業，但唔係每個月都有收入，屬於唔穩定既副業。我上個禮拜買左你本書，仲睇緊，但發覺唔係所有內容都適合自己。
我做文職，禮拜六日及紅日假期跟政府放假，你覺得我應該出去搵兼職做，只係專注副業？定係兩樣都要做。如果我今年開始儲錢，盡可能一年內儲到10萬。但當我有左呢十萬，我唔知道應該點樣運用去投資。
龔成老師：
你可想多一些不同途俓的無本創業，書只是引導，但我相信你總能找出適合你的得著。另外，你不要太著重當刻的事況，反而要從長遠的發展去思考，無論是前途、能力、財富，舉例說：
1. 創業現在無錢賺，但將來會建立到某些東西
2. 兼職現在賺到錢，但對自己的提升，將來無任何幫助
除非選擇2可以賺好多錢，否則必然是選1。當然，你自己才最了解那選擇對你將來最佳的。其實有興趣應多掌試創業，不同的生意，開拓新事業，不一定實體的，網上都可以，若無興趣創業的話，就專注副業吧，有可能對將來較好。
如果你無投資知識，那只適合投資較穩建的，即低風險的工具，例如收息股、指數基金等。但其實你可利用這一年時間，好好去提升理財知識，這些知識你終有用的，從書本及課堂中好好學習，之後你就能為自己去理財。
