男童搭巴士讓腳傷乘客先落車被爸爸鬧 乘客代為平反：佢係一個好孩子

父母從小教導我們要禮讓他人，但當真正實踐時竟被大人責罵？大埔一名男童在乘搭巴士時，禮讓一個有腳傷的乘客先行落車，卻被同行爸爸誤會無跟實導致被人攝位，更邊行邊責備他。乘客見狀即為男童解釋，可惜港爸無視事實惡言反駁，繼續責備小朋友，他只好托友人發文，希望安慰男童及表揚他的行為。

根據傳媒報導，該名乘客早前（6日）托友人在Facebook群組「大埔 TAI PO」發文，指自己日前因腳傷到大埔墟廣福道看跌打，治療後包住左腳乘搭75X巴士回總站富善邨，由於下層沒座位，於是上了上層前排坐。

到達總站富善，事主自知行動不便，為免阻礙他人，決定讓其他乘客先行下車，自己最後再落。排在事主前的是一名男童，留意到他的情況，遞出兩隻手示意讓他先落車，令他非常感動，在心底大讚該小朋友識得禮讓，「好乖好有禮」。

事主指，原來當時男童與爸爸一同落車，港爸下車後發現見不到男童跟在後面，隨即破口大罵，「就嚟料開始喺度鬧，然後我終於都落完樓梯出到車門，佢又繼續鬧，又話唔跟住又話小朋友自己走咗去，又話俾人攝位點點。」

事主見男童被罵後不懂反應，站在原地不敢出聲，遂即時為男童平反，向港爸解釋自己無攝位，是小朋友有禮貌，禮讓他先行落車，希望對方不要責備兒子。怎料港爸聽到真相，不但沒有為誤會兒子而道歉，反而繼續責罵，更反駁指「我點教小朋友係我家事，唔到你理。」

事主回應自己並非想插手別人家事，只是想為小朋友平反及解釋，「我淨係知佢一個好孩子，你唔好咁話佢。」惟港爸懶理，繼續惡言相向，「你都唔好咁嘅態度同我講嘢，佢之前成日都係咁，唔跟住乜乜……」為免繼續糾纏下去，他只好再次勸港爸，「你唔好咁話佢啦」，然後回家，但途中他仍看到港爸一邊行一邊罵小朋友。

事主事後撰寫千字文交由朋友發帖，坦言分享事件並非想批評港爸或評論別人的教仔方法，而是有感自己受惠於小朋友的善良，但對方卻因為善良、懂得禮讓反被爸爸責罵，有感為人父母應相信子女，同時希望為無辜的小朋友平反，讓他釋懷，「我知道我好難搵返你，所以我想借這平台對你講一聲『多謝』，多謝你對我嘅禮讓，多謝你嘅善良。」

帖文引起網民熱烈討論，不少人大讚男童的行為並斥責港爸，「小朋友比爸爸更懂事」、「個小朋友值得接受直接嘅讚賞」、「有啲人永遠覺得鬧就係最有用的教仔方法，亦都唔會承認自己嘅錯，唔接受批評，死要面，結果受苦的只會是小朋友，好無辜」、「做父母都要學識欣賞同鼓勵小朋友，淨係識鬧會催毁一個小朋友既成長」、「明知自己錯重要死撑，點做榜樣比個仔睇！」

資料來源：「大埔 TAI PO」Facebook