【僱傭爭議】女傭房門貼告示 「11點後要瞓覺勿嘈吵」 僱主狠批：打工皇帝！

好姐姐難求！日前有網民在Facebook群組上大呻「我個工人大曬，打工皇帝！」原來是外傭在房門外貼了一張告示，指自己11時後要睡覺，請不要嘈吵。僱主其後再在貼文留言，力數姐姐五宗罪！不過有網民反駁，「貼得呢張紙，實有前因後果，自己諗下做過咩先」，也有人認為11時的確需要寧靜休息，「工人休息得唔好，工作都會受影響。」

更多文章：揭老婆多次出軌 人夫無助：接受唔到但唔想影響小朋友

網民日前在Facebook群組「Mei Foo 美孚」發文，指外傭姐姐在房門外貼了一張告示，指自己11時後要睡覺，請不要嘈吵。 僱主狠批姐姐是「打工皇帝」。他在貼文中補充，自己平日晚上「靜靜哋飲杯水，很少事，已經很細聲」但會每朝大聲地「反撃」。此外，他又形容外傭姐姐樣惡、鬧其父母、「買餸唔找錢食水深、唔鍾意就掟野、抹完廁所條布抹你間房！」

貼文惹來網民熱議，有人認為應「早炒早著」，但也有網民認為工人姐姐都是人，晚上的確需要好好休息「咁都叫做皇帝？如果姐姐要咁寫出嚟，睇嚟你都唔係一個好僱主」、「貼得呢張紙，實有前因後果，自己諗下做過咩先」、「on call 24小時？」，僱主則反駁，自己沒有做得不好，反而是姐姐諸多要求，因此非常懊惱。