有樣學樣？媽媽拒兒子買雪糕遭鬧爆 網民︰身教問題
童言無忌抑或有樣學樣？有港媽分享，日前接兒子放學時聽到驚人一幕，兒子的男同學想吃雪糕，但被其媽媽拒絕兼訓示幾句，竟怒斥︰「再嘈送你入老人院！」
該港媽在香港討論區發貼分享，又指「只係話兩句，得幾歲人仔，就識得話送父母入老人院，第時大咗會同父母講咩？係咪會直接車父母去老人院，等佢哋自生自滅？」她又擔心小朋友對着家人說話已沒有禮貌，對着街外人可能會變本加厲，批評「好多家長縱容子女變王子公主！」
有網民批評小朋友不分尊卑︰「真係激心」、「同佢講送囉，你有錢送我入老人院？」、「現在的小孩都這樣」、「無大無細，呢啲小朋友再嘈直接送佢去孤兒院就真！」
不過，亦有網民認為是父母的管教出了問題，平時不應在小孩面前發脾氣，「識得話送你入老人院，呢句肯定係身教產物，大人要好好自省」，質疑父母曾在他面前說類似的話。
