【親子好去處】港島公園放題下集！延續打卡輕放電之旅@卑路乍街灣海濱長廊
上次分享完慕名去咗半山既堅巷花園
打卡輕放電之後，
繼續尋找港島公園，
終於去咗一直想去嘅卑路乍街灣海濱長廊
對呢個地方嘅第一印象係超級舒服，
打卡裝置，遊樂設施散落在海旁不同位置，
空間非常寬闊，更有人會放狗仔踩滑板～
好玩攀爬設施
位於公園中央嘅木製攀爬架好少公園會有，
啱晒最愛攀爬嘅小火子！
自由創作空間
膠箱位置可以俾小朋友自由發揮,
兩個小朋友就好開心咁砌左佢地間屋
插畫遊樂設施
入口處有吸睛嘅插畫遊樂設施，有菠蘿包搖搖板，檸檬茶氹氹轉，好玩又好拍～
有上蓋休憩空間
除咗海邊有長凳，
公園中央更有有蓋嘅位置同枱可供休息同飲食
小孩可以放電，媽媽可以放風，
而且即使陰天都可以玩，
總括而言，我覺得這個地方蠻值得推薦～
大家有機會可以去行下。
