【健康週末好去處】完成簡單零煙害任務 免費獲取無煙紀念品！

一到Weekend就要諗活動？跟我哋去玩攤位遊戲，健康好玩之餘仲有禮物換添呀！

今年香港吸煙與健康委員會響應「世界無煙日」，以「煙草終局：零煙害．無煙世代」為主題舉辦宣傳活動，向公眾宣揚無煙信息，鼓勵吸煙人士以運動起步戒煙，建立健康生活，共創無煙香港！

早前佢哋就已經透過啟動禮打響頭炮，邀請嘉賓同藝人分享對「煙草終局」嘅睇法，仲一齊透過運動支持無煙生活，更得到超過190間機構同學校，加埋公眾人士響應「無煙跑服日」，喺5月31日「世界無煙日」當日一齊著起運動衫同做運動，支持吸煙人士儘快戒煙！

你都想支持無煙生活？機會嚟喇，委員會今個月進行「煙草終局：零煙害．無煙世代」攤位宣傳，大家可以去支持呢個咁有意義嘅活動兼完成簡單任務，帶埋無煙紀念品返屋企！

嚟緊嘅兩場攤位宣傳會喺以下時間地點舉行，快啲mark低一齊實行無煙健康生活啦！

日期：2022年6月18日（星期六）

<<第一站 - 觀塘>>
時間：早上11:00至下午1:30
地點：觀塘道（近創紀之城五期APM廣場）對出行人路

<<第二站 - 銅鑼灣>>
時間：下午02:30至下午5:00
地點：百德新街行人專用區

備註：
．無煙紀念品數量有限，先到先得。如有任何爭議，委員會保留最終決定權。
．攤位宣傳活動或因當日天氣或突發情況有所調整或取消，請留意Facebook專頁或活動網站之最新消息。

上星期已經有人率先支持咗喇，睇吓佢哋幾投入：

唔得閒去攤位活動，又想幫手宣揚無煙信息嘅朋友，可以聽吓「咪點我」阿Mike嘅貼士！戒煙其實有好多方法 ，例如做運動。每當有強烈煙癮嘅時候，可以試吓做 10至15分鐘運動，有助減輕煙癮同分散注意力，長遠仲可以鍛煉意志力同提升心肺功能。

下載無煙stickers 同朋友開心share

而家就算喺屋企都可以一齊支持「零煙害．無煙世代」㗎！即刻Download「咪點我」阿Mike最新嘅動態stickers，再send埋俾你身邊嘅屋企人同朋友，鼓勵佢哋一齊動起來，齊齊支持運動戒煙啦！

下載貼圖網址： https://bit.ly/3M4FXeP

．iOS 用戶請按此根據網站嘅教學，完成安裝後再返到下載貼圖網站按「Add To iPhone」。
．Android 用戶可以喺 Google Play 下載 WhatSticker，完成安裝後再返到下載貼圖網站按「Add To Android」。

想了解香港以至世界各地嘅控煙資訊？咁就要follow委員會嘅「無煙大家庭」Facebook專頁 ，支持加強控煙措施，為建立無煙香港出一分力！

無煙代言人「咪點我」阿Mike，仲會透過社交平台，發放搞笑又有趣嘅無煙Post，立即follow埋「咪點我」（IG @wisemike_hk）啦！

想了解活動詳情或更多無煙活動，可以去呢度：exercise.smokefree.hk