【母愛偉大】單親媽做地盤10年養家 失業港男隨母開工即愧疚落淚
作為單親媽媽要養大小朋友絕不簡單，要兼顧收入，又要做足家頭細務。日前一位港男在討論區上發文，指自小父母離婚，他跟隨媽媽一同生活，媽媽一直做地盤工作養家。他最近因疫情失業，連儲蓄也用完後決定跟媽媽到地盤工作，結果第一日已體會到媽媽的辛苦，食午飯時更不禁愧疚地落淚。
網民在討論區上發文，指父母在他小時候已離婚，之後就跟媽媽生活。他形容媽媽讀書不多，以往曾做保安，「我未起身佢已經出門，到我放學放工佢都未收工。」之後媽媽經熟人介紹，做了十年地盤。雖然收入變多，工作時間又變少，「但就經常聽到佢抱怨呢度痛嗰度到痛」。
網民表示，他因疫情失業，用盡積蓄後決定跟我媽媽到地盤工作。他第一日工作時，媽媽特意早起煮飯讓他帶，「想我食好啲」。出門後，未到工作地方已「出曬汗」，工作時更辛苦，「我自問做gym2年都頂唔順」。他指出，當時要推三包分別四十公斤重的英泥時，推不動之餘更不慎反車，最後要由媽媽過來幫忙。
至12點食午飯，他與媽媽找個位置坐下，「我諗起我以前睇唔起地盤佬，而我依家好似個乞衣咁坐喺地下食飯，我望一望我老母，佢問我夠唔夠食唔知點解我嘅眼淚突然湧出嚟。」港男表示自己感到愧疚非常，網民紛紛留言讚揚母愛的偉大，「女人喺地盤成日畀人呼呼喝喝，如果係真嘅你真係要孝順你媽媽」。
