男友無上進心工作不穩定 港女無助：好想結婚但擔心生活

情侶拍拖一段時間後，自然會考慮是否要邁向婚姻這一步，但結婚從來不是簡單事，既要向雙方家人交代，還要計劃婚後的生活，而且香港百物騰貴，樓價連年高企，婚後還需要考慮住屋等生活開支。有港女在網上發文，指男友大學畢業多年仍未有穩定事業，收入亦不高，又不願意進修，令她擔心婚後要靠自己養起整頭家。

該名港女在親子王國討論區以「可以點幫男朋友」為題發文，指男友在大學時修讀工程，畢業後找不到理想的工作，現職薪金不高，公司規模亦很少，「得3、4個人，成日都要OT」，想轉工但見工多次亦不成功。最近，男友計劃修讀教育文憑，但她擔心畢業後未必能找到教席。最令她無助的是，她經常勸男友進修改善英語水平，「依個可能係佢見工失敗嘅原因」，但男友卻經常借詞推搪，「佢就話去買書睇，睇得多就可以改善，但一本都冇買過返黎睇」，令她十分失望，「其實我成日都叫佢進修下自己，讀master或者其他課程，但佢一係就話忙一係就講左又唔做」。

《愛回家之開心速遞》劇照

她表示，男友一向很愛她，對她很好，她亦想與對方組織家庭，但卻因為男友的事業而感到卻步，「佢成30歲人都仲未有穩定嘅事業，我真係好擔心，第時到中年比人炒左就搵唔到工，要我一個咩（揹）起頭家咁」。不過，她知道這個想法勢利，亦不希望因此與男友分開，「但又唔知可以點做」。

帖文引起討論，有人認為即使她強迫男友上進也沒有用，「30 歲一般性格定左型， 唔會點改，反而你接唔接受到現在情況，接受唔到就放手好過」、「其實，佢只係你男朋友，佢嘅路唔係由你去安排計劃應該唔行...佢唔上心唔爭氣，你急都無用」、「一係接受一係搵另一個」、「不如放手俾佢自己計劃，妳從旁俾意見佢，唔好指定佢要點做」。