同居男友不願用二手衣櫃 環保港女：應該堅持定尊重？

不論是情侶還是夫妻，剛開始同住一定會經過磨合期，需要了解和適應對方的生活習慣和價值觀等。有港女在網上發文，指她剛與男友同居，二人為著應否使用二手傢俬而出現分歧，她一向支持環保，對方卻不太喜歡，令她十分苦惱。

該名港女在親子王國討論區以「同男友有分歧，你堅唔堅持自己？」為題發文，指她是一個環保人士，經常會把不用的東西回收、在網上放售或送人，近日她與拍拖半年的男友同居，需要添置傢俱，於是她就從二手網店搜羅，並看中一個衣櫃，於是她告知男友，並表示可以安排人手去搬衣櫃，但對方卻不領情，「話呢啲咁貼身嘢唔想用二手嘢」，令她十分苦惱，「我本身份人就係咁環保，我去拿佢唔高興，我唔拿我唔高興，可以點解決？」

帖文引起熱議，有網民直言樓主與男友是兩個世界的人，「咁成世咩都有分歧第日BB用尿片定尿布又同嘈一餐」、「道不同，分手」、「而家都唔夾點相處一世」。亦有人認為樓主應該尊重男友，「真係唔係個個人鍾意用二手野，加上宜家咁疫情，我個人有潔癖，絕對唔會成日用個啲用品用二手」、「但係真係有人抗拒用陌生人嘅二手嘢，佢無問題，你環保亦無話錯，問題係一定要有人妥協」、「我都會尊重佢，始終一齊用，不過如果自己真係好頂唔順，要諗下夾唔夾」。