【理財個案2022】一層自住一層收租

龔成你好，睇左你既書之後，獲益良多，多謝你無私分享。

我26歲，月入約20k，可儲12k，現金有約50萬。男友28歲，月入65k，現金連股票資產約100萬。

我地兩個現時都同屋企人住，未來幾年有結婚打算，明白金錢只會不斷貶值，所以想入市買樓。

以我地兩個現時既狀況，如果入市買兩層細價樓（如第一城，budget around $500萬），一自住一收租可唔可行？但咁做我地既流動現金就會無左。

定還是先買一層，留少少錢在股市投資？待本金多左先再入市？

更多文章：【理財個案2022】先投資後享受的運作

個案重點：
‧26歲
‧月入$20000，儲$12000
‧現金$50萬
‧男友月入$65000，資產$100萬
‧未有物業

重點目標：
‧幾年後打算結婚
‧2人有兩層細價樓

龔成老師分析：

正如我《財務自由行》書中所說，現金不斷貶值，資產不斷升值，所以我地愈早持有資產愈有利。

物業是資產項，但在同一經濟週期間，時間上太接近去投資兩層物業，未必是一個好的策略，因為會出現週期性的集中風險，正如你看書中的例子，以每8年去買一物業，就是平衡風險的策略。因為你太集中在同一類資產，就會出現集中風險。

更多文章：【理財個案2022】不再廢青

另外，不建議在同一經濟週期，一次過買兩層樓，這令出現價格集中風險。如果不幸在買入後樓市大跌，會對你地造成較不利的局面。

書中例子以股樓作平衡策略，因為「優質股」、「物業」都是資產項，長線持有可以的。

因此，你可先評估，若日後打算以儲物業的方式，2人一起累積物業資產，打算擁有多少層？然後以平均的模式，去每隔幾年投資一層，令風險得以平衡。

你們可進行一個「進可攻，退可守」的策略，先投資一層物業放租，然後保持累積股票資產，保持儲蓄與增值，到數年後（假設是5年），資金就會更為充裕，這時才投資另一物業，亦不會集中在同一週期投資樓市，減少風險。

若投資第一層物業後，樓市大跌，你可把握機會入市買多層，若然樓市大升，起碼都有一層物業在手，到結婚後自住都不成問題，而財富增值則運用其他工具。