【家長注意】男童突然衝出馬路險捱撞 司機斥家長：一啲反應都無
家長帶小朋友過馬路要應當加倍小心！然而，日前一名司機駛經深水灣時，一名男童突然衝過馬路，幸好司機及時煞掣，未有發生意外。不過，同行成人竟全程沒有反應，司機更表示感到奇怪，「佢真係一啲反應都無，就咁企喺度」，被網民狠批「生仔要考牌」。
司機Vincent 於日前在「馬路的事討論區」上載車Cam片，據片段所示，司機當日晚上駛經深水灣的一個彎位時，一名男童突然衝出馬路，疑到對面行車線的停車處，與私家車上的家人會合。當時與男童同行的家長卻不為所動，司機直言「我都覺得好奇怪，佢真係一啲反應都無，就咁企喺度。」網民推測該成人或是外傭姐姐或媽媽，批評她未有及時阻止，甚或未有手拖男童並留意路面情況才過馬路。
Vincent在貼文補充，幸好自己當時的車速不快，而且有注意路面，及時煞掣才避免意外發生，「如果當時我快，可能已經打保齡（撞倒小朋友）。」網民批評家長沒有照顧好小朋友，又認為涉事地點道路設計不佳，司機及行人均有危險，因此家長更應拖實小朋友。
