丈夫愛「?女」 人妻感困擾：有冇諗過老婆湊仔好攰？

人們都喜歡看美麗的事物，遇到俊男美女，有時候難免會多看幾眼，但這個無心舉動隨時會傷害另一半的心。一名人妻在網上大吐苦水，指老公很喜歡在街上「望女仔望到眼都唔眨」，令她感到自卑。

該名人妻在親子王國討論區以「鍾意望女仔嘅老公可唔可以入嚟解答下我問題」為題發文，指丈夫一向待家庭和自己都很好，唯獨是每次兩人外出時，丈夫都很喜歡望街上的女生，「望到眼都唔眨，甚至乎連個女仔都知道我老公望佢，或者人哋男朋友都知道個女朋友俾人望」。為此，她多次向丈夫表示不滿，但丈夫卻否認有看別人，令她感到自卑，「覺得係唔係因為自己唔再係後生，所以佢情願望第二個，甚至乎我覺得佢成日望好似對我不忠」。

事主曾經與朋友討論，許多人都勸她不要亂想，但她仍然感到難受，「我真係好想知道，其實想望啲乜嘢呢？有冇諗過個老婆每日湊住小朋友真係好攰，點解仲要邊（周）圍望女仔？」

帖文引起熱議，有人認為望女生是男人的天性，不用過份介懷，「我老公次次同我出街都望女仔，望到哇哇聲」、「我老公都有望」、「其實我相信每個男人都會望，爭在明吾明顯。我自己見到靚仔靚女都會望。」、「其實出街望異性真係好平常，不論男女喇。」亦有網民認為不應該合理化這種行為，「我就覺得同呢種人一齊唔會幸福到，我身邊好多男人都唔係甘（咁）」。