超精美！媽媽親手製作 好玩手工Peppa Pig布書
Soft book，外國又叫它做quiet book , busy book ，比起中文翻作手工布書更貼切，因為一本好玩的布書絕對可以讓你靜下來吃一頓安樂飯，名副其實的keep them busy and quiet。
Quiet Book 除咗可以畀小朋友外出果陣靜落黎一段時間專心玩，仲可以加入好多運用不同手部肌肉訓練的小遊戲，大家只要係Pinterest.com 搜尋，就會發現到好多國外神級媽媽做的Quiet Book都好有創意好好玩！
今次呢本係我第二次親手製作嘅QUIET BOOK，有咗上一次嘅經驗（雖然已事隔一兩年），呢次成品除左比上次更牢固更精細，而且Helena仲有份參與有份畀意見，再加上全本都係一針一線親手縫製，滿足感更大。
要設計一本好玩的Quiet BOOK，我覺得過程當中最難是構圖，因為雖然Pinterest 有好多圖片可以參考，但要揀心儀嘅圖都已經足夠令人心大心細，而且有時又未必岩自己小朋友喜好，所以最後參照完網上成品同peppa pig 場景，都係要自己落手畫。
因為想每一頁都有特定主題，要畫面豐富、又要好玩、仲要多機關比HELENA可以郁下手仔，所以係夾硬係當中加入唔同嘅元素可以訓練手仔同玩。
第一、二頁：有橡根繩可以畀小朋友捉住Geogre 同Daddy Pig 跳佢地最鍾意嘅 muddle puddle，旁邊係夾硬加入嘅穿繩元素。
第三、四頁，在Grandpa pig 的garden 練數數，有幾多粒種子就種出幾多號嘅蘿蔔。
第五、六頁：有Madame Gazelle 帶領的Camping ，當中好多小配件都可以拆出交換位置，主要係比小朋友練習拉鍊同啪暗鈕。
第七、八頁：有可以撕出嘅Mammy pig 同蝴蝶拼圖，背後都有魔術貼，而旁邊就係可以比小朋友試下扣鈕同配色嘅花朵。
第九、十頁：可以砌嘅沙灘城堡同釣魚嘅海底世界，個人最鍾意呢兩頁。
本書由整緊到整完，囡囡Helena 都充滿好奇，成日拎黎過黎睇同拉去玩。有時玩玩下仲會同我講：「媽咪我好鍾意玩呢本書。」見住個佢玩得咁開心，真係花 D 時間親手整都值得。
依家網上都有好多教學同圖片可以參考，所以大家有時間都可以試下落手整。；）
