【親子好去處】新式設計公園「彩虹樂園」| 東啟德公園

8月嘅時候，知道新蒲崗新開咗全新嘅「東啟德公園」。
其實都好近我哋，襯住天氣漸涼，最近我哋都終於抽到時間去玩啦~
東啟德公園」嘅「彩虹樂園」佔地七百多平方米，入設計以彩虹做主題。
色彩繽紛，仲有好多特式嘅遊樂設施。

更多文章：【親子好去處】露營初體驗 x 秋季親子活動 x 兩日一夜 | 新手露營

成個公園域分咗四個區域：森林歷奇、叢林探索、旋轉綠地及健體園地；而每個區域都設有兒童友善嘅指示牌，圖文並茂清楚說明每個設施的適合年齡和玩法重點。

當中更分別以可愛嘅倉鼠、刺蝟及猴子作為開心示範，小朋友和家長都可以喺遊玩前，了解咗先玩哦！

^ 旋轉吊椅

更多文章：【親子落廚】零失敗麵包食譜 | 廚師機食譜

^ 倉鼠圈

^ 倉鼠圈

而「彩虹樂園」仲提供咗三款彈床，當中有圓形款係專為幼童而設，而七彩嘅正方形、長方形彈床更並排而設，係可以俾小朋友穿梭往返，來回彈跳~

旁邊嘅小山丘裝置，可以玩攀爬、瀡滑梯以及穿越隧道，貼地嘅隱閉式設計，好啱玩捉迷藏!!而且有個造型可愛嘅小刺蝟，適合2歲以上嘅幼兒攀爬。

^ 穿越隧道，貼地嘅隱閉式設計，好啱玩捉迷藏

玩攀爬、瀡滑梯...

仲有訓練小朋友平衡力嘅彎彎曲曲平衡木~

亦有訓練小朋友四肢協調能力嘅，攀爬及平衡步道!

仲有共融嘅設施貼地式嘅氹氹轉~

^ 旋轉椅子

更多文章：【育兒記】疫情下的寶寶。戴口罩訓練

^ 用手推動嘅大型幻變轉盤，用眼睛體驗暈眩嘅感覺，視覺嘅遊戲體驗

^ 跑步徑

^ 休息區

臨近出入口處，仲有洗手備。

玩完洗乾淨手離開，安心好多呢~

更多文章：【親子好去處】流動圖書車 - 「樂在社區閲繽紛─『喜』動圖書館」

「彩虹樂園」嘅位置四通八達，住喺采頤花園嘅話直頭超近。而且天橋仲可連接啟德。

如果想去的話，可乘港鐵於鑽石山站B出口步行約8分鐘或乘搭多條巴士及小巴路線到達。

**溫韾提示**
公園出入口對正馬路口，家長切記要留意小朋友玩樂情況。
呢個設計，我覺得真心好危險呀!!

疫情期間請謹記戴好口罩，唔好摸眼、口及鼻。
要時刻保持適當社交距離哦~