【親子好去處】露營初體驗 x 秋季親子活動 x 兩日一夜 | 新手露營
以前放假，一定係四圍去玩....
因為疫情變到唔敢四圍去玩....
又冇冇得搭飛機去旅行...
眼見疫情開始緩和，加上和牛B都開始大個女。
我哋喺朋友熱情地推介之下，我哋就終於踏出咗我哋露營嘅第一步啦!!
而以我所知，香港收費營地都有好幾個選擇。
有啲場地，仲有露營用品租賃。
同時，聽說有啲場地都有好同唔好...
所以，真係要去租住過體驗過先知，當然啦露營絕對比起酒店Staycation辛苦十倍。
我哋開始了露營呢個體驗，我哋所有用品都係自己買，而非選擇租賃。
當然啦，租賃也都好處同壞處。
真係要視乎自己情況而定，如果純粹想試一次，就直接揀有提供租賃用品服務嘅營地吧。
因為我哋都係新手，所以場地嘅嘢唔特別介紹啦~
純粹分享親子露營嘅感受~
下一篇，會詳細分享我哋去露營嘅用品，讓大家參考一下。
講起我哋所有用品都係自購，所以呢，帶住2個小朋友去露營。
絕對係走難式去露營，走難式咁返屋企~(哈) (又或者我哋經濟唔夠吧)
露營最大勞動力之一嘅工序之一，就係起營。
正常一定係第一件事要做嘅事吧?
不過，我哋帶住兩個小朋友。
第一件事，都係開返張櫈同埋台俾佢哋坐低食嘢或者畫畫吧。
對於新手起營，都係我哋第一次體驗與經歷。
合夫婦二人之力，終於起好個營啦~
露營的日與夜，裝飾燈係必需的 (哈)
更多文章：【育兒記】疫情下的寶寶。戴口罩訓練
起完個營，坐一陣就已經要準備晚餐啦~
正當大人忙於準備晚餐嘅時候，我哋朋友都早有準備。
佢準備咗一個投影器，播放電影等小朋友可以安靜一下。
夜晚，小朋友瞓晒之後就係大家relax嘅時間。
大家都準備唔同嘅宵夜，Happy sharing~
當然，唔少得觀星!
平時身處市區，好多高樓大廈，真心好少機會見到滿天星星。
保持一貫旅行作風嘅我，夜瞓早起!
不過，我目標係睇日出....
今次，真係瞓晏咗好多....
野外煮食物 (唔計BBQ)，真係第一次。
都真係好有風味，呢餐都係老公煮，冇辦法啦....妹妹實在太好動，要睇實妹妹。
朋友嘅早餐，超級吸引!!
整天在吃、跑嘅妹妹~
今次約埋朋友一齊去露營，和牛B都玩得好開心~
冇得去旅行，唯有自己搵個旅行感啦!
雖然，露營真係好攰。
準備功夫好多，去完之後又要花好多時間整理。
但係，真係開心嘅!
去露營，一定一定要記得愛護環境，自己垃圾自己帶走，夜晚喺營地嘅時候唔好喧嘩!!
Facebook：https://www.facebook.com/80smami
Instagram：http://www.instagram.com/wagyubmami/
MeWe：https://mewe.com/p/和牛b的成長日記
