重男輕女外父聯同親戚狂踩孫女「蝕本貨」 港爸忍無可忍大怒：同我躝！

尊重長輩是基本的美德，但當遇到長輩無理的對待，你又接受得到嗎？前日一位港爸在網上社交平台投稿，指外父一家十分重男輕女，多年來一直虧待女兒即他的太太，到今年年初吃新年飯時，更聯同親戚不斷踩低孫女是「蝕本貨」，又催促事主添男丁，把孫女的房間換做未來孫仔的房間，最終令港爸忍無可忍，一怒之下喝罵「全部同我躝！」。至今二人關係仍破裂，但港爸沒有後悔，指外父可以「慢慢嬲，I don't care！（我不在乎）」，不想女兒長大後知道公公不會愛惜她。

近日一位港爸以「曉彤爸爸」為名在網上Facebook專頁「辦公室日報」投稿，分享工作壓力大的他在兩年前榮升爸爸，回家看見2歲女兒曉彤可愛的笑面，就馬上戾氣全消，即使工作多辛勞都覺得值得，又感謝老婆十月懷胎將曉彤帶來世界。可是港爸透露外父不喜歡孫女，一直都催促他們再添丁，連帶那邊的親戚亦受影響；而且多年來一直虧待女兒（即是事主老婆），因此大數外父重男輕女的多宗罪狀。

罪狀一：事事差遣女兒

港爸指結婚前已經知外父重男輕女，指老婆的弟弟是無業遊民，每天在家打機睡覺，但外父仍然奉旨差遣事主老婆東奔西跑替他辦事，「閒日上佢屋企食飯，咁我同老婆都要返工，最快最快都六點先走得，我外父係會由下晝開始，不斷call個女要斬料、買啤酒、買煙等等，五點已經不斷催個女買嘢返嚟，唔好忘記佢個仔冇嘢做喺屋企攤屍㗎喎！」

罪狀二：要求女兒買樓贈弟弟

外父不旦放任兒子長期不工作，更無理要求女兒為無業弟支付首期及供樓、賺兩萬多付一萬家用等，「外父同佢個仔當時自把自為去睇埋樓，首期講緊幾廿萬，供樓講緊萬幾蚊一個月，我老婆冇佢自己嘅人生㗎？最後梗係拒絕啦。」

罪狀三：曾企圖賣女換錢

港爸指外母生前提及當年懷著事主太太時，外父曾經說生仔就自己養，生女就賣出去，曾經有位同鄉想以一萬元買個嬰兒，幸好當時外母堅持拒絕。

罪狀四：聯同親戚狂踩孫女

港爸坦言因為上述原因，一直都不喜歡重男輕女的外夫，但基於不想老婆難做，一直忍住不去討厭對方，直到外父觸及其底線令他忍無可忍。

事主分享在年初時，外父帶同親戚到他家中食新年飯，整餐飯中不重複又重複踩低2歲女兒是「蝕本貨」，「話咩得意又點吖重，最後咪又係蝕底畀男人，又話女仔唔使讀咁多書，當時我個女坐咗喺度㗎，雖然得兩歲人仔好細個，但你地識唔識尊重？」

港爸愈聽愈扯火，本來不想再聽而避入廚房洗碗，可是外父「導遊」上身，竟帶親戚參觀女兒的房間，指指點點批評粉紅色不好、床單太女仔不好，叫他更換房間所有東西，以作未來兒子的房間，最終令事主按捺不住，大聲喝罵「全部同我躝！」

當時親戚嚇呆問發生何事，港爸嬲怒地說︰曉彤係我嘅命根，你班人踩夠我個女未？仲有間屋係我賺錢買嘅，唔輪到你哋指指點點！你哋認真又好講笑又好，有咩資格要求我個女間房點樣佈置？

外父見他這麼大火氣，反問「係咪傻咗」，他沒想到此時老婆竟幫口開聲說「你哋走啦，走走走！」，而外父看著親友穿鞋離開，自己卻沒離開的意圖，港爸即時補多句：「你都走呀！」，他表示當時反省自己做法過火，但老婆安慰他「你唔需要有罪疚感，我知你係惜我同個女」。
事發至今外父仍十分憤怒，更稱以後不想見到他，但港爸直言沒有後悔，指即使時光倒流都會照做，「我都唔想曉彤大個之後知道公公唔錫佢，句句都話佢冇用、蝕本、遲早畀人呃之類，佢而家兩歲啫，大個咗就會識得聽同埋有感受，我唔想影響個女嘅心智同發展，所以外父可以慢慢嬲，I don’t care！係辛苦老婆仲要每個月返去一次擺低家用啫。」

帖文曝光後引起熱議，網民紛紛留言支持港爸，指他是個愛妻護女的好男人，又斥外父重男輕女得離譜，「爸爸做得好好，識得保護老婆同個女。換着係我，一早反枱，對呢啲人越仁慈，即對自己越殘忍。呢啲人只會欺善怕惡，得寸進尺」。

此外，更有人建議家用也唔用給外父，「啲錢要留比個女做蝕本貨嘛，無本邊有得比佢蝕啊？」、有冇搞錯?仲比家用?係我就斷埋家用,補多句我呢啲蝕本貨都係幫唔到手,叫你個叻仔養啦」