新抱被奶奶當「透明」感失落 抱怨︰新抱做咩都錯？
遇上奶奶事事針對，都是新抱的錯？有港媽最近抱怨，入門十年，每次跟奶奶同枱食飯都有感不被尊重，質疑「新抱好似做咩都錯」，想對JM訴苦兼徵求應對方法。
港媽在《親子王國討論區》以「大家會點應對？」為題發貼，她分享自己已婚10年，每次與奶奶吃飯或飲茶時，「佢都會都會突登裝哂全家飯，淨係唔裝你同你小朋友嗰碗，飲茶幫全枱洗碗筷淨係唔洗你嗰份」，不禁問JM們「你哋會笑笑口出聲嗎？」
她深明這些功夫其實應由後輩做，只是發生時心裡會不舒服，尤其看到奶奶有為老公洗碗筷，但依然不幫自己洗時。
她又補充，老公最近與老爺奶奶「反咗面」，作為新抱依然有帶小朋友探望爺爺嫲嫲，但奶奶只會她重提跟兒子爭執的細節，「話我唔識勸下老公同佢哋和好」，令她更難受。
有網民認為奶奶一直當她是「外人」，「專登做畀你睇，激你，看你是否中招跳製去吵一鑊，你越反應大佢越開心！」又人稱試過類似經歷，「我老公畀佢碗飯我，再自己去裝飯，大家有眼睇，之後冇下次！」
亦有不少人建議她每次飲茶食飯時，應該比奶奶更早到達，以及幫所有人盛飯及洗碗筷，「要收獲善意必先付出善意」，又質疑是否她曾做了甚麼令奶奶不滿意。
不過亦有人覺得既然奶奶相處得不開心，就不要勉強自己帶小朋友與她見面，只要大時大節見面則可，「最緊要愛自己」。
