【理財個案2021】32歲不用太保守
龔Sir你好！我本新冇咩投資經驗，想問下：
本人32歲，月入約80k，每月儲到45k左右，現時持有約800k債券基金，另外約2m主要都係擺定期，兩者都係賺利息，間中都有買股票，不過輸多贏少。幾年內未有置業計劃。
最近睇你個page，想試下月供股票，如果每月供20k會否比例太高？ 40%盈富、20%港交所、20%金沙、20%匯豐呢個組合可以嗎？
明白月供股票係長線投資，同埋可平均買入價，咁需要設定一個預期回報嗎？幾時應考慮賣出？定係因為既然係長線投資所以根本唔需要咁諗？
手頭上有流動資金你會建議點部署？新手可以將幾多比例放股票？唔該哂！
個案重點：
‧32歲，月入80k
‧投資新手
‧2m定期，800k債券基金
重點目標：
‧如何分配月供股票比例及組合
‧如何部署手上資金
‧股票買入賣出及回報等相關問題
‧幾年內想置業
龔成老師分析：
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穩定現金流。
以你年紀計，應以增值為主。匯豐（0005）只是收息股，無甚增長力，唔適合你。另外，「債券」其實只是「產品」，物業、優質股是「資產」，所以從財富本質上，我地應較集中持有「資產」。而定期這類現金流工具，增長力弱都唔係咁適合你。
作為投資新手，我建議你用月供去做投資，咁樣會大大減少你買貴貨風險。
更多文章：【理財個案2021】50歲，退休的憂慮
如果你每月儲到的45K無其他特定用途，你可以將這45K的一半去做月供，其餘先儲起，用一邊月供一邊儲蓄的策略。
月供方面，可用你這組合，而匯豐就用一隻潛力股代替，如安碩恒生科技（3067），中生（1177）或福壽園（1448），騰訊（0700），阿里（9988）。
至於餘下的現金，就等機會，當大市出現較大程度的下跌，就可以動用現金去投資，在平宜價加大力度掃貨，然後長線投資。
另外，我地唔會話SET一個預期回報，因為優質股只要長線質素不變，我地基本上長期持有就可以。除非買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。
又或是係市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略，但當時的市況未到極度狂熱，所以我亦只是沽出了一部分的貨。
此外，股價要是嚴重高估，例如市況狂熱，又或自身的原因令股價爆升，都有可能沽出。
若然你有問題想向龔成老師發問，可在龔成的fb專頁中inbox龔成。
