男友做地盤被同事嘲無見識做牛工 女教師反擊：會唔會太膚淺
職業並無分貴賤，早前有一名女教師發文，指自己男友在地盤工作，卻被同事批評其男友學歷低、做不成書才會沒有大作為。事主為自己男友護航，讚揚男友理財有道、既孝順又對朋友好、對她更無微不至，但同事仍不斷數落，最終事主忍無可忍，出言反擊，「你咪搵個高學歷男朋友，人品就唔知喇」。
女教師在討論區上發文，提到她的男朋友在地盤工作，為人溫柔有禮，「對父母孝順，對朋友好好，唔煙唔酒無不良嗜好，對我就無微不至從來都唔會大聲話我」，她的父母亦欣賞他有一技之長。不過女教師的同事卻不時都會數落她男友，不但批評他「做得地盤都係冇讀過書，英文都唔識多句，咪好似學校啲校工咁囉，讀唔到書啲懶人咪做牛工囉」，又言「學歷低啲人眼界都窄啲，溝通又九唔搭八，分分鐘字都唔識多隻！」
不過，女教師反駁，職業無分貴賤，其男友腳踏實地，「讀唔到書唔一定係懶，佢知自己要返工搵錢唔係攤大手板拎福利，佢又識為將來打算」。而當她提到男友月入近4萬元，而且有80萬儲蓄時，同事不禁露出妒忌的表情。最終女教師表示：「你咪搵個高學歷男朋友，人品就唔知喇」撃退對方。
後來，事主的同事雖然「高學歷」，但因低級錯誤而不獲續約。事主笑言，二人不會再是朋友，批評對方「用學歷決定人哋會唔會太膚淺，心存偏見仲好意思話人。」又形容品格才是最重要的事，而不是以工作或學歷去定義一個人。
