【手作癮】為孩子打造主題生日會
有喜歡做手作的媽媽嗎？如果你們與貓町媽媽一樣都喜歡手作，在寶貝生日既大日子應該都會想為寶貝親手製作一些東西~
小火子近期迷上的是Thomas及 Marvels，因此想為他的生日會加點Thomas x Marvels 的元素。 不過對我這種 Deadline Fighter，在落手做的時侯，總會發現想法太多但時間太少… 因此適當的採購及靈感的來源是很重要的。
1. 淘寶找派對用品
如果想為孩子的生日派對加點裝飾，在淘寶可以輕易地找到各式各樣的派對用品，如彩旗、汽球等，而且價格亦比香港便宜得多。 如果想為孩子舉行特色派對，也可在搜尋器輸入想要的卡通角色，如｢蜘蛛俠生日會｣，就會發現有很多相關主題的產品。部分還可提供客製服務，就是可按小孩的姓名及年齡製作，但一定要提前訂購以預留製作及運輸時間。小火子生日會的Marvels旗仔就是淘回來的，想淘卡通派對用品：＜按此＞
2. 為小火子親手做生日帽
生日的主角，總是覺得應戴生日帽才有氣氛。 由1歲生日起便開始為小火子製作生日帽，而這個環節是最花時間的，始終一針一線的手作真的急不來，惟有慢慢來，好好享受這個過程。至於 Pinterest 是另外一個超級推薦的網站，因為你幾乎想要什麼設計靈感，也可以在這裡找到，單是欣賞漂亮的設計，也是一種享受～皇冠的做法，可參考這裡：
3. 尋找蛋糕
生日當然唔少得蛋糕，其實之前都有留意3D立體蛋糕，但價格真的有點高…如一個3D立體的蜘蛛俠蛋糕，1磅的報價是約$900，2磅則約$1300。雖然明白手作的價格會較高，但真的下不了手.... 原本打算買一個雜果蛋糕，自己加裝飾，但後來發現原來美心有Thomas火車頭嘅蛋糕，而架火車真係玩具！用恆生ENJOY Card仲有折，兩磅多嘅蛋糕折完唔駛$500，成交！小火子一見到個蛋糕已經好開心，蛋糕鬆軟，味道清甜，唔錯呀!
4. 影相道具
由於時間關係，除咗生日帽，我只係整咗三架火車做影相道具，整三架就可以俾小火子，火子爸同我一人一個啦～ 呢個都係參考Pinterest的，材料方面，用彩色Cardboard會較好，火車的黑色部分是用塑膠彩畫的，細節部分可用雙面膠紙或熱溶膠貼上，如果想增加立體感，則可用海棉膠紙。
5. 尋找場地
辦生日會，最重要的便是尋找場地了～ 戶外和有草地是大前提，因為會與家人同行，所以要找一個大人及小孩都會玩得開心嘅地方，最後一家人去咗BBQ地：大美督嘉年華BBQ～ 大家都玩得好盡興！有關場地，大家可以睇返相關文章 <嘉年華燒烤BBQ大人小孩也可盡興的好去處>
希望大家都會有多些概念，快些動手為小孩打造特色派對吧！
