【親子好去處】MegaBox 都有歡樂天地啦
之前貪得意喺九展歡樂天地 開左會員卡，因為位置問題只玩過一次，諗住餘額一定凍過水之際，上星期經過MegaBox，發現最頂層竟然開咗歡樂天地！
呢間分店都幾大，而且仲有碰碰車
除咗主打嘅懷舊遊戲，例如跑馬仔 之外，比起九展店，有更多新game，小火子 就最愛打喪屍game如果大家都係之前喺九展開場會員卡，要先到櫃檯更新返張卡就可以玩，收費方面，每個game大約6-8個代幣，都可以接受！
更多文章：【親子好去處】繽紛世界親子農莊
夾公仔機 仲可以夾返歡樂天地嘅經典角色，好好彩比我夾到一隻經典角色，其實佢哋有冇名㗎～
歡樂天地去左MegaBox, 再玩嘅機會應該大好多，於是我張卡又再增值啦。。。
我買$300個plan, 店員話如果換$500, 仲可以送碰碰車兌換券一張，不過就要月底前玩，大家下次係可以考慮下！
今日點幾去到嘅時候冇咩人，玩到兩點幾就開始多咗人，但由於空間大，所以都玩得舒服，而且呢間店嘅店員都幾有禮貌。
