【JM有話兒】兒子升小學後學習能力低 港媽：教到爆血管
在競爭激烈的香港，父母緊張子女的學業成績是正常不過的事，不少家長在忙工作、忙家務後，還要擔當「家教」輔助孩子完成每天的功課，溫習默書和考試，每天忙得不可開交，壓力之大不足為外人道。有港媽剖白教仔做功課的心情，直言「就快爆血管」，引起共鳴。
有港媽在親子王國討論區以「教仔教到喊」為題發文，表示小兒子向來很擅長哄父母開心，又喜歡表演，幼稚園期間表現醒目，但在升讀小一後，做功課開始不認真，「做嘢隨心覺得係乜就乜、題目轉小小彎佢就唔用腦諗照做」。最令港媽氣餒的是，無論與兒子溫習多少次，他都犯下同樣的錯誤，「教完溫完做完再做都係錯」，令她忍不住落淚，「點解以前覺得你好醒，而家會咁頓」她更擔心自己的身體健康，「我真係覺得自己好快會爆血管，隨時谷到眼前一黑就拜拜，好辛苦…」
帖文引起不少家長的共鳴，大家都同意教孩子做功課既損害親子關係，亦影響自己的心情，勸事主看開一點，給自己和兒子多一點時間「教仔女勞氣係必經階段」、「同你一樣，唯有盡量自己控制同放鬆」、「教小朋友係壓力好大，睇開啲，降低要求」。
亦有過來人認為，家長總對孩子抱有期望，但當發現孩子天資不如想像中聰穎，也不要太擔心，「放低你覺得佢醒，就當佢唔醒咁教，小一仲好細個」、「唔好假設小朋友係醒，好多我哋覺得好易嘅嘢，小朋友就係唔明，慢慢教」、「小朋友未必係蠢，只係溫習溫太耐，個腦都會實咗」。
有家長建議事主考慮聘請補習老師以改善問題，「唔想影響親子關係，我選擇外判」、「自己教唔到就外判，唔好勞氣。」
