臨盆在即老公陪女同事睇租盤 孕媽嬲爆：是否我心胸太狹窄？

懷孕期間的女人情緒特別敏感多疑，會特別想黏老公着和家人，若這時候老公稍有疏忽冷落另一半，孕媽隨時崩潰。日前有孕媽在討論區發文，指自己臨盆在即，但老公竟答應女同事陪她看租盤，雖然單位只在公司附近，但孕媽心裡非常介意，「我問老公點解要去，佢就覺得幫人無咩所謂......我覺得唔開心係咪太小器，小事化大？」

相關討論：女同事要求老公陪睇租樓

日前一位孕媽在討論區發文，分享自己臨盆在即，但老公竟然答應女同事陪伴去看租盤；當問及對方為何要去，老公只單純地稱「幫人無咩所謂」，但事主聽罷郁郁寡歡，顯然十分介意，因此問及網民意見，「個單位響公司附近，但係就喺嗰幾日生BB，大家覺得點？」，更直言想知道自己是否不夠大方、心胸太狹窄，「如果大家覺得我小氣即管鬧，只想知自己覺得唔開心係咪太小氣，小事化大？」

不少網民支持事主，表示理解其介意的因由，力撐「生B大過天」，「平時梗無所謂，生B附近日子當然推啦，好多嘢講唔埋。」、「你意思你生BB果幾日？當然要推啦！」，亦有網民認為不管是否臨盆在即，該女同事無必要找事主老公陪伴，以免造成不必要的誤會，「梗係唔好啦，任何情況下都唔應該同女同事睇樓囉…無其他人咩？！需要你老公陪睇樓嘅原因係咩！？」、「妳老公熟悉租務或樓盤？搵多個人，避免你老公被Agent當佢哋couple,製造不必要機會。」

相關討論：女同事要求老公陪睇租樓

但亦有大方的網友認為事件並無不妥，指一個女人去看樓會有一定危險想找人作伴是情有可願，加上只在公司附近，而老公又主動申報就不用太擔心，「喺公司附近一齊去都冇問題嘅！如果有嘢,你老公點會話你知！」、「係咪食lunch或放工去睇先？係都冇問題嘅，可以個女同事怕一個人上去睇，驚俾經紀洗腦簽約啫。」，亦有體貼的網友安慰事主，認為她不要想太複雜, 以免影響自己及胎兒，「除非你老公平時行為都有D怪啦, 如果正正常常, 只係今次陪一陪同事, 咁又太小心眼」

孕婦的心靈確實特別脆弱，情緒亦難免會特別敏感波動，事主介意老公陪女同事其實都屬正常不過的事。正所謂「針唔拮到肉唔知痛」，事主不用多想自己會否太過小器或者多花精神去衡量事情的合理性，亦不需要問外人的意見，重要的是你和老公之間的溝通與信任問題。與其自己一個人鬱鬱不歡在想東想西，倒不如開心見誠跟另一半說出自己感受，起碼讓對方明白自己的底線，又或者說明臨盆在即，確實很希望老公隨時在身邊候命，一起期待小生命的來臨，不想有其他無關痛癢的事情作打擾，相信作為枕邊人的他一定會理解。