小5女收男同學禮物疑似拍拖 媽媽苦惱：點算好？

現代小朋友相對早熟，不少小學生已經情竇初開，初嚐戀愛的滋味，令父母十分頭痛。有港媽在《親子王國》討論發文，表示發現就讀小5的女兒收了由男同學送贈的電子錶，令她很苦惱：「我應該點做好呢？」

不少網民都認為，女兒肯定是與男同學拍拖，才會收取對方的禮物，但港媽補充指女兒沒有拍拖，只是男同學暗戀她。

討論區熱話：五年級，男同學送Apple Watch比我女女

有人認為，事主應該要求女兒把禮物還給男同學，「無論係咪拍拖，男仔都唔係用自己揾嘅錢買嘢比你，係父母嘅錢，所以唔應該收」、「如果係我，我會約同學仔家長俾返佢」。亦有不少家長表示會要求老師介入事件，「要通知班主任，叫個女還返俾個男仔，仲要當住班主任面還再由班主任通知對方家長啦，唔好有拖欠」。

討論區熱話：五年級，男同學送Apple Watch比我女女

不過亦有人認為不應該驚動對方家長或老師，以免影響親子關係，而且應該趁機教育女兒，「教佢唔好亂收人禮物，除非生日會，一係叫佢用自己零用錢還返畀人，等佢唔敢再亂收禮物」。