【噢聖誕節】食芝士飲啤酒小心中伏 引發健康危機！
疫下的聖誕和除夕，大家都要安在家中抗疫過節，不少家庭買外賣聖誕大餐慶祝一番。其中，芝士和啤酒都是過節熱門食品和飲料。
芝士除了可即食外，亦能配沙律、意粉、焗小食、做甜品等等。不過，由於芝士比較高脂，經常被形容為邪惡食物。的確，硬芝士，例如車打芝士，含有比較多的飽和脂肪，攝取過多會導致高膽固醇、癡肥等問題。為了健康着想，見到芝士就要避之則吉？那又不然。其實芝士能提供蛋白質、鈣質和維他命，有其營養價值。要食得健康，可參考「英國心臟基金會」的資料：
健康芝士（以下芝士脂肪含量較少，食少少都OK。）
1. 夸克芝士 (Quark cheese) 0%
2. 茅屋芝士（Cottage cheese） 4%
3. 乳清芝士（Ricotta） 8%
邪惡芝士（以下芝士脂肪含量高，只能淺嚐。）
1. 馬斯卡邦尼（Mascarpone） 44%
2. 車打（Cheddar） 35%
3. 巴馬臣（Parmesan） 30%
4. 布里（Brie） 29%
5. 山羊軟芝士（Soft goat cheese） 26%
6. 片裝芝士（Processed cheese slice） 24%
7. 卡門貝爾（Camembert） 23%
1大杯生啤=1碗飯
飲啤酒會有啤酒肚，其實有根有據。一大杯生啤已經約有230卡路里，等於食一碗飯。而且愈高酒精濃度的飲品，熱量亦會愈高。 雖然市面上推出了一些「無酒精」的「無糖」啤酒，但是這類飲品都有相當分量的碳水化合物和卡路里，絕對不能當水飲！其實，最好當然是不要飲酒，但如果過節無可避免，可以選擇紅酒代替，其熱量比啤酒稍低，飲用時盡量小口地喝來控制分量。
