【幾個移民媽】人約離鄉前 把握機會欣賞香港的風景

離開香港後，不知幾時先會再返嚟。朱古力爸鍾意行山，佢話想帶兩個小朋友行晒香港嘅山先走；行晒就應該唔得喇，但我都贊成要俾佢哋去多啲香港唔同嘅地方，認識呢個家。

更多文章：移民不只為子女 大人其實都可以找自己

更多文章：海量移民資訊湧入腦 移民媽：「怕做錯決定！」

香港其實真係好獨有，一個小時車程內，已經可以由非常繁忙嘅巿區，去到清幽嘅郊外，而且有好多難度不高， 一家四口都行到，風景仲好靚。朱古力仔特別鍾意觀察小昆蟲小動物，仲話要開個channel 介紹小動物，妹妹就腳骨力好好，永遠行山行得最快係佢。

更多文章： 嚮往澳洲大自然 港媽為仔女儲錢移民

朱古力爸鍾意玩即興，無端端有一個上晝，佢話：「不如去行下！」動身就行。去邊？好多時出咗門口先諗，就係因為住巿區都好，附近總有行可行。呢啲生活，我哋都唔捨得。不過外國都一樣有山行嘅，只係風景不一樣了。

我哋都要珍惜餘下嘅時間，好好欣賞香港嘅風景。