【理財個案分析】23K月入34歲儲蓄難突破，求上流
你好 諗sir
小弟今年34歲！每月收入23000左右，銀行大約有20萬儲款，可每月儲蓄4-5000元。
近日經朋友介紹開始收看 諗sir的節目，發現我現儲蓄習慣很難有突破，所以請求諗sir教導。
祝諗sir 長搵長有！年年熊市
answer:
我寫左成八年blog都係第一次有人用「年年熊市」祝賀我，其實我公司生意都會因大市氣氛唔好而轉差的。早前在facebook出post寫今年請多左人為社會保就業，公司2020年收入大增有盈喜，主要是公司努力轉營網上課程而得出成果，唔係熊市幫我既。所以求下你、求下特朗普，希望快熊去牛來，咁香港亦唔需要我再出手保就業，祝大家無聊時間多到用唔哂打機打到厭，都可能你係好事~
另原因是我講債，有人或會認為熊市利債券，其實是錯了。一般是牛市利評級差的債(如恆大)，而熊市利穩當的債(如煤氣希慎)，所以債市確能穿梳牛熊之間，為人提供穩定收入直債仲要到期保本。買股絕對要跟紅頂白，唔可以長揸。諗sir係環顧四周同你比較股樓債買入之分別，有建議亦有執行方法及人選，咁先可寫到好既理財個案，而唔係一味叫你買股票。理財絕不等於買股票，相反成班上市公司老細就等緊你買佢股票比錢佢洗啦。
讀者想多d錢? 不外乎自己出力或借人之力。自己出力即係學習軟硬技能永上進，今天不談。借人之力可借屋企人、銀行之力。而住宅就是最佳之抵押品問銀行借錢。由於唔少人都似讀者一樣，收入中等而又想快d唔撈，諗sir已為你撰寫「財務自由七部曲」，參考完跟住每步做，就當未去到第七部投資創投利用他人搵錢，都可有樓收租每月收錢。
讀者現在位於第一步，未做好儲錢，先上車解決居住問題穩定每月支出為先決。至於移居海外或者海外戶口這些問題，係第六步，讀者唔使浪費時間咁快諗。儲到錢買樓是讀者現時最重要去解決之問題，海外樓是日後讀者需面對之問題，經七步理順後讀者唔使咁快諗咩離岸戶口或者買樓收租既野。
儲錢加靠買股票加快，學個好方法，就如吉利(175)，每次見中期底同頂都有obv值用尖頂完成(下圖)，係較易睇又有波幅，幾好炒既股票。當然唔應該成幅身家放進，但可部份投入加快進度。
Obv是計的動能的其一方法，可由此入手。吉利上下波幅達4-5成，老闆娘係習總屋企人，要買都要選對戰場。
至於諗住長揸一隻股票唔放等發達，咁就要望該企業零競爭對手出現及外圍環境完全唔變，不過2020年，就係大變一年。2020年3月前做既股評，難再參考。
至於MPF係練兵好地方，管好佢，對你明白投資贏錢方程式是關鍵，自己又唔使即時出錢。所以不時自己或搵人傾下MPF點轉去獲得好既投資成績，對你買賣股票收入都有幫助。
更多文章：銀行趁低息劏客 槓盡買債上路
更多文章：三樣野好過你買樓收租？
20萬加月儲5千，就當唔買股票唔投資即2-3年後有40-50萬。如試好及睇我地見到些好既投資方法，1年內夠70-100萬買樓絕不成問題。有40萬就要九成上會買細樓，有咩好買我地不時拍片手拖手幫你上車，搵人陪你去一齊睇樓有需要先問我地。如達70-100萬儲蓄夠上三房或新樓兩房都夠。
有第一間樓之後，點樣拆名買第二間收租，或者搵會計執靚盤數，諗sir既power team都有專業人仕幫到手。收租既租約點寫，搵人幫手做租務管理，這對讀者而言較遠，但對唔少讀者都是迫切之事，可以報買樓001或003開始，001適合未買過樓既人而003適合買下間樓收租既人。學費可在之後找我們的power team時回贈，變相免費學習。power team已包括律師會計裝修按揭及遍佈全港的地產代理，亦有海外的律師會計，梗有野幫到你!
