【好物分享】帶寶野餐用品。寶寶野餐椅連台 | 野餐季節
又到野餐季節了，趁住疫情稍為緩和。秋風起，涼涼地，可以帶寶寶去野餐啦。
但係妹妹而家7個月大，暫時坐都未算好穩陣，偶爾坐著也會跌倒。所以為咗方便野餐，我最近為妹妹添置咗一張野餐坐嘅椅。摺疊式嘅野餐椅，仲有台。而且係摺疊式，易於收藏，真心讚，只係RMB69，CP值超高！
仲有三隻色，灰色、綠色及粉紅色。折疊後一小包，好方便收藏！我當然揀咗粉紅色啦，隻色好搶眼。最大承重量係15kg，所以都可以坐到3歲幾4歲吧！
真係好方便，仲有安全帶。妹妹都坐得好舒服，餐台仲係可以拆卸，隨時可以裝返，好方便呢！
另外，最近仲淘咗張高新少少同闊身啲嘅摺疊式野餐台。個款好型之餘，摺疊收藏後仲超小巧好慳位！質料仲係好挺身，好厚實嘅帆布料，濕咗都好快乾。食嘢方便好多呀！其實台底仲可以加個網袋放雜物嘅。
