【婆媳相處】野蠻奶奶強迫發燒新抱及孫兒赴親友百日宴 比着你會點做？

婆媳相處向來都是一門重大的學問，亦是女士們在婚後必修的課題之一，尤其現代女性思想、經濟獨立，更是家中的掌上明珠，面對生活習慣、價值觀大不同的老爺奶奶，難免會產生磨擦。一名港媽在網上批評奶奶在她和兒子身體抱恙期間，仍要求他們參加親人的百日宴，令她大感無奈。

該名港媽向《我的極品四大長老》投稿，分享去年因為一件事而引起的婆媳大戰。她憶述在去年一段時間，她與兩個兒子齊齊抱恙發燒，剛好撞上大伯為女兒舉辦百日宴的日子，於是她禮貌地致電奶奶，表示因為身體不適而無法出席，「我兩個仔同我都發緊燒，佢哋要休息多啲，同埋廢事傳染到人」。

怎料，奶奶不但沒有體諒，還大發脾氣，「佢話呢啲大日子發燒都要去㗎，你哋咪企埋一邊囉」。港媽拒絕後，奶奶又在向兒子批評她不尊重長輩，「佢喺我老公返緊工狂打電話畀我老公話我唔尊重佢，咁都唔去咁唔畀面佢」。丈夫再次拒絕後，奶奶仍然堅持，「佢WhatsApp一大段對話黎，話我唔畀面佢病又點發燒又點，都要去，一定人唔好咁計較。」

最後，港媽一家人都缺席宴會，令奶奶更深深不忿，「佢周圍同人講，話我搶咗佢個仔又教壞佢個仔」，令港媽十分無奈，唯有慶幸自己並非與奶奶同住，「我真心覺得一家人唔好咁計較呢句說話難聽過粗口。」

帖文引起網民的熱烈討論，不少人認為是否赴百日宴只需向大伯交代，毋須理會奶奶的想法，「應該直接同主人家（亞哥嫂）講實際情況，人唔到禮到或者後補見面飲茶」、「一堆病人去，大伯介唔介意先」、「百日宴，相信主人家都唔想有人病住去傳染到佢個寶貝」；亦有網民大讚港媽的老公有擔當，「你老公企你個邊，完全唔使驚」、「婆媳關係一開始就係麻煩，幸好老公識做」、「唔同住加上有老公照住已經好好」。