【傭家有道】菲傭一星期不可做清潔工作因爸爸過身 網民：可以唔出糧？
外傭與僱主之間的文化差異需要靠時間來消除，而在此期間，僱主只好在外傭資訊網站諮詢其他僱主的意見。日前有僱主就在社交群組發文，指家中的菲律賓姐姐向她表示，其爸爸過身，因此不可以進行清潔工作一星期。僱主問：「請問有冇聽過咁嘅習俗？」網民隨即留言批評：「為咗唔想做可以去到幾盡。」也有人為菲傭辯駁，「我姐姐話菲律賓，佢哋如果有親戚過世，屋企係唔可以做清潔。」
日前有僱主在社交群組「外傭僱主必看新聞訊息」發文，問網友有否聽過菲律賓習俗，指其菲律賓姐姐的爸爸過身，因此一星期不可以做清潔工作。不少網民留言指無聽過，又言「你不如叫佢一星期唔好沖涼」、「你問佢可唔可以一個星期唔出糧」、「我睇完笑咗，佢哋啲藉口真係千奇百怪！」批評姐姐的藉口太差，認為她是「博大霧」。
不過，也有網民特意詢問家中姐姐，她們指菲律賓確有類似的習俗，「喺菲律賓，爸爸過咗身， 下葬之前屋企入面係唔可以做清潔工作嘅，但係唔係人哋屋企。」亦有人表示姐姐指是有這樣的習俗，不可以用掃把掃地、不可以掃天花和不可以用毛巾抹。網民教路，僱主應「中立啲講，首先要尊重返佢嘅習俗先，原則上可以一星期唔做嘢（清潔），但係要黑字白紙列明唔做嘢嘅日數用大假或金錢去扣返。呢啲嘢唔揸正嚟做就會縱到佢哋個個都係咁。」
