【親子遊】玩具傳奇@香港歷史博物館
平時都係我陪心心呢度去果度去，今次就唔同喇，今期香港歷史博物館做緊玩具傳奇，我同心心去回味我個童年。
好開心見返好多兒時玩具，每件見到都嘩嘩聲，諗起細個原來成日送玩具俾我嘅係我舅母，哈哈！就連復活節都有座山咁高既復活蛋呢！仲有舅父既紅白機、媽咪送俾我既豬仔錢罌。
由紅磡火車站行過去約10分鐘，穿過港晶中心就係喇。
展館分為3部份，建議睇左最底層嘅STAR WAR, THOMAS戶外展區先再買票入場。
另一層就係玩嘅多，有GOOSE同麥兜俾你影個夠，仲有大隻LEGO。
切雪花積木，年齡由識行到10歲都有野玩。
再去另一展館就係睇嘅多，睇返好多兒時玩具，例如係跑車賽道、紅白機、game boy。
車迷請留意，有唔同款既巴士、交通工具俾你慢慢欣賞。
穿過香港故事館就係鴨仔展館。自成一角，一塊草地俾你同鴨鴨影相。
玩具好吸引，而且入場仲有小禮物。
計劃旅程
交通：
紅磡火車站行過去約10分鐘；尖東站可以喺香格里拉出口出。帶車仔係可以，不過最好星期一至五，紅磡火車站天橋有升降機落，但只開星期一至五
入場：
影相免費，其他$10入場。星期二休館、3點後開始多人
食物：
場入面有懷舊茶記，不過目測好似無high chair，可以喺港晶果邊食左先
禮物：
每星期禮物不同，可以參考呢度，今日到4月2日係可愛黃鴨仔呢
更多有關詳情
