【包媽孕記】一歲了我的小寶貝陳包包！
1歲了我們的小寶貝~
呢幾日不停諗起去年今日同一時間，到底發生緊咩事。
「7點左右波一聲喺屋企穿水」
「老公趕到陪去醫院」
「剛過探病時間自己喊住頂硬上」
「痛到衝去嘔迷迷糊糊哭求止痛針」
入到產房我無失理智嗌唔生或者要求開刀，記得只係陣痛之間問過老公「我會唔會真係痛到死。。。」
聽到包包喊聲嘅一刻，真正開始為母則強嘅日子
捱過初生無間斷餵奶，見到個仔喊唔知咩事抱住佢一齊喊，泵奶泵到懷疑人生，食量唔少但一直keep住瘦，瘦到跌出生長線，擔心喊嘅日子又點會少。。。
試過乳腺炎，試過泵到皮膚變薄發炎唔掂都痛，試過腰痛到入院都要泵奶，要求即晚出院，氣管炎2個月奶量大跌。。。。。。估唔到我通通捱過，餵咗一年全母乳啦～
感激阿仔好快戒夜奶，瘦得嚟一直健健康康，一個愛笑嘅小吃貨
一歲啦，出咗6隻牙仔，敢放手行3步咁多
識hello，識搖頭，聽到自己名會舉手
認得波波同circle放邊度
最愛食食同食，任何時候都愛媽媽奶
係好辛苦但非常滿足於只有我兩嘅親子時光
疫情關係俾唔到一個盛大嘅生日會，無訂好精緻好貴嘅蛋糕，佈置都有點hea。。。爸爸媽媽做到嘅，係約至愛錫你嘅家人契媽聚埋一齊，黃雨去唔到沙灘，都同你去babyspa游水水
搵間黃店訂製bb with連豬蛋糕
為你親手整一個你食得嘅生日蛋糕
希望成長路上無論遇到任何事，你要記住爸爸媽媽永遠喺背後支持你，愛你? Happy birthday my dear son!!!
