【流行髮飾】日本3大髮飾推介 為囡囡造型點綴加分

邊一個媽媽唔想每日都幫女女扮靚靚？奈何自己技術有限，女女個頭好似點紥都唔夠靚......成日都好羨慕有一雙巧手嘅其他媽媽......

有以上煩惱嘅媽媽唔洗擔心！只要你有一個靚嘅髮飾，就算淨係識幫女女紥基本髮型都無有怕！唔同嘅髮飾，可以簡單點綴髮型，令平平無奇嘅髮型瞬間變得時尚，仲可以讓人眼前一亮。今次小編就帶各位媽媽睇下日本近期最流行嘅3大小朋友髮飾，幫女女畫龍點睛！

更多文章：麻花辮、馬尾早已厭倦？日系女孩的特色髮型百看不厭

小髮夾

彩色髮夾最易突出女女嘅俏皮感覺，簡單嘅一字夾就為女女帶來時髦嘅效果，而誇張小小嘅髮夾就可以有充滿活力嘅氛圍！

Instagram@anchanman__

帶有裝飾物的髮圈

唔好以為馬尾或孖辮嘅造型就係普通！只要配上任何一款髮飾，效果即時唔同晒！加上髮圈除裝飾外又可以固定髮型，乾淨利落！

Instagram@ momo_yasu_ko3 、eriiik000

更多文章：逆齡短髮／空氣感瀏海／鎖骨髮　新春6款星級髮型推薦

絲帶

唔同嘅絲帶將會為女女帶來不同感覺，絲綢質感嘅絲帶系成蝴蝶結綁係頭上超級可愛，幼版嘅緞帶就可增添氣質，將絲帶交織馬尾活潑動人！

Instagram@momo_yasu_ko3 、 y.r.moooo