「選擇」
食橙。
我搣開一舊舊畀你，
你發哂脾氣話要成個搣完皮就咁食。
「成個食啲汁周圍標呀大哥。。」
我心諗。
幫你冷靜嘅同時，
我又拎一個橙再搣畀你，
今次真係搣完就成個畀咗你，
你當然係勁開心。
提你個橙中間條芯唔食同慢慢咬之後，
你眉飛色舞咁食哂成個橙，
仲食得幾乾淨tim。
／
搣開一舊舊食，
定成個就咁啪，
其實都只係選擇嘅問題，
當然背後考慮嘅原因唔同，
但係無論揀邊個方法，
都唔關「對錯」事。
既然唔關對錯事，
我應該尊重你有選擇嘅權利呢。
陪你學點做選擇，
重要過成功命令你跟我嘅選擇太多太多。
