【經痛VS陣痛】生完仔之後無M痛？！

對於生仔有幾痛，真係好難同未經歷過嘅人形容；但係M痛有幾辛苦，我相信10個女士有8個都會明！有開刀生仔嘅網民喺討論區問M痛似唔似生仔陣痛，想知係唔係M痛嘅10倍喎！一班順產媽咪都異口同聲話：陣痛一定痛過M痛好多好多…倍啦！M痛又有咩好怕喎！

先講經痛，有試過嘅都會明，嚴重起上黎，會痛到全身標冷汗、頭暈眼花、反胃，食藥其實都無咩用，唯有休息、休息再休息！緣份到了，就唔會痛…BUT！28日後又黎過，無限輪迴！（所以M痛有病假真係好合理架！）

生仔個種痛真係好個人嘅，不外乎痛足十幾廿個鐘、死去活來、呼吸困難、斷哂片…（下刪一百字）生仔嘅陣痛，大概係將你歷年黎所經歷嘅M痛group埋一齊一次過大‧爆‧發！

但係上天都會畀返少少甜頭畀各位媽媽：經歷過來回地獄又折返人間嘅痛楚之後，我真係恭喜你啊！因為有好多順產生B嘅網民都話生完真係少咗M痛，甚至唔再出現M痛的情況。有本身痛左20年嘅媽咪開刀之後無哂事；仲有網民話「順產之後冇事了，阿仔打救咗我……」

入黎睇下網民點形容經痛VS陣痛：M痛似唔似生仔陣痛

不過仍然有少數慘慘嘅媽咪分享，經痛由始至終都無離開過，同生之前一樣咁辛苦…捱完生仔痛仲要繼續忍受每月痛一次！好可憐啊！但經痛真係唔好一味死忍，要了解成因，係有方法解決架！無論未生定係生過，順產定開刀，都一樣要留意啊！