【秋冬搭配】日系媽媽教路！盡覽小豆色大熱秋冬親子裝穿搭
踏入冬季，天氣開始轉涼，對搭配迷嚟講絕對係一大喜訊！皆因冬季服飾靈活多變，以簡單嘅小配件就可以襯出不同嘅個性造型，而且更加為唔少未曾修身成功嘅新手媽媽，抑或經常要左搭右配嘅母乳媽媽帶來更來選擇，仲可以利用層次搭配組合，遮掩一下肥胖嘅地方！
至於講到親子裝嘅秋冬搭配，繼續熱爆嘅大地色依然係大家嘅心水選擇，當中嘅溫柔色、小豆色同栗梅啡搭配感覺新鮮，同時冬日感十足；今次小編就搵嚟日系媽媽Aya(ayachan0803@instagram)完美演釋秋冬親子裝百搭造型，各位媽媽係時候為各個聖誕派對作準備，同寶寶襯到絕登場喇！
墨綠色系
墨綠色系可以話係冬天嘅長青顏色，而且無論係衫褲鞋襪都總會搵到佢嘅產品，對於唔想每次都以一式一樣嘅搭配作為親子裝特色嘅媽媽們來說，墨綠色系絕對係你嘅好拍檔！
小豆色系
略帶暗紅嘅小豆色系，相信無論係咪媽媽都一樣咁喜愛，佢除咗簡單又搶眼之外，仲係秋冬感特濃嘅百搭色種，同墨綠色系都係隨處可見嘅顏色，想同小朋友襯出更有個性嘅親子裝又點少得佢！
原木色系
原木色除咗百搭之外，顏色亦令人感到很舒服。唔少媽咪會選擇米白、奶茶色的衣服作為主調，再搭配白色，令人感覺文藝氣息較重，無論是連身裙或是外套款，都可以選用考慮淺色的原木色，再搭配深色的大地色系，如墨綠、深啡色。
格子搭
玩顏色玩到悶，不妨轉換秋冬必備嘅格仔Pattern，絕對係每個人衣櫃必備嘅衣物單品！單係唔同大細嘅格仔已經可以配搭出多種風格，再加埋唔同顏色嘅格仔布料，輕易就可以襯出靚靚親子裝！
