投資路上係孤獨

其實投資路上是孤獨一詞係點解？好多時投資既人都好難同身邊朋友去分享，點解？係朋友面前分享，有朋友可能諗你晒野，話自己有幾威幾勁，但其實可能你只係想同朋友分享，睇下大家有乜Idea但最終好多時反而變成吵鬧收場，最後就係以後開始少見面影響感情。

出到去，如果認識到一班投資人，如果大家投資人分享當然會開心好多，但各人始終意見不同，每人有自己各自一套，分享是可以，但控制不好又是會不歡而散。重要係呢堆所謂投資人中，有幾多個搵食，有幾多個係睇住你D錢去做野，更加無人知。我自己都見過一堆呢D人，初頭我都以為有D料，但最終發現全部得個殼，搵食居多。

如果好好彩識到一班叫做真係投資人，但投資久了，各人有各人風格，就好似各門武功一樣，不易接受別人一套。我自己亦自有一套，不易受旁人影響，我果套可以歸類落去丐幫一派，大家應該唔會太明白，但上過我堂既同學仔可能就會知了，因為該門武功叫做 —「尋房垃圾掌」及「打救辦法」，我就突然間變咗洪老前輩，老叫化。

其實無話邊門投資大法較強，因為永遠市場環境每日在變，識變通者就能識者生存。一個人的武功高低唔係只睇配乜野武功，就算有絕世武功，如果唔識靈活運用，都係惘然。